Það sem hangir á snúrunni . . . .

Það sem hangir á snúrunni gerir það oftast í stuttan tíma. Þetta gutl hennar Auðar Ingibjargar hentar því sumu af því fólki bara vel hugsa ég.

Ég hef svosem lent í samkvæmum á ólíklegustu stöðum þar svona regnhlífasull hefur verið á boðstólnum fyrir óvirka alkaholista og AÐRA sem ekki drekka. Ég er lítill smekkmaður á kokteila og vildi hafa vímugjafan alvöru, eins og hann kom af skeppnunni, þegar ég var í þeim brancanum. Þess vegna fæ ég mér oftast kranavatn í dag þegar svona gutl er í boði.

Annars bíð ég spenntur eftir fjölmiðlapennum sem hafa vit og þroska til láta vera að nýða og gera lítið úr samborgurum sínum . . . . . . . . . !

Skilaboð til ættingja: Þessi skrudda er EKKI á jólagjafalistanum

 

Fyrir þá sem eru á snúrunni

Alger þvæla

Hvað er fólk endalaust að væla um þjóðaratkvæðagreiðslu um hin ólíklegustu mál. Við erum með ríkistjórn sem stjórnar landinu. Látum hana gera það.

Íslendingar eiga auðvitað að borga Æseifið. Ekki spurning. Þetta er ein afleiðing óstjórnar BófaFLokkanna tveggja sem stjórnuðu landinu meira eða minna síðustu 2 áratugina fyrir hrun. Þessir BófaFLokkar voru við völd vegna þess að Íslendingar sjálfir kusu þá sjálfir. Atkvæðisréttinum fylgir töluverð ábyrgð sem fáir virðast gera sér grein fyrir. 

Einkennilegur andskoti að meirihluti Íslendingar vilja nú, samkvæmt skoðandakönnunum, fá þessa sömu BófaFLokka aftur við völd.

Auðvitað eigum við að reyna að komast inn í ESB. Ekki spurning. Auðlindirnar hafa hvort eð er verið á hendi fárra sem hafa braskað með þær.

Hættið svo þessu nöldri og gerið ykkur glaðan dag. . . . . . !

Vilja þjóðaratkvæði

Borgarfulltrúa BófaFLokksins og fleiri skurka af því sauðahúsi

Borgarfulltrúa BófaFLokksins: Hönnu Birnu, Gísla Martein, Júlíus Vífill, Kjartan Magnús og fleiri skurka af því sauðahúsi ætti að setja á atvinnuleysisskrá snarast.
Atkvæði greitt BófaFLokknum er ávísun á brotin loforð, áframhaldandi spillingu og sóun á verðmætum borgarinnar

VG útilokar samstarf við Sjálfstæðisflokk

Er það??

Það þarf heldur betur að HREINSA TIL á Alþingi Íslendinga.

 

 

 

Ísland hreinasta land í heimi

„Skaði fyrir samfélagið væri ásættanlegur kostnaður við það að SITJANDI . . . . . . “

 

Silfrið í dag - Margrét Tryggvadóttir sagði og vitnaði í Skýrsluna (bls 125 í fyrsta bindinu):

Þar sem sagt er frá myndun ríkisstjórnar árið 2003 þar sem Geir H. Haarde, þessi hagfræðingur veit að þar sem Framsóknarflokkurinn er að fara fram á eru eins og segir í skýrslunni: „ein alvarlegustu mistök í hagstjórn á Íslandi síðustu árin." (breytingarnar á íbúðarlánakerfinu)

„Hann hafði metið það svo að væntanlegur skaði fyrir samfélagið væri ásættanlegur kostnaður við það að SITJANDI flokkar héldu völdum." Fólk er ekki að hugsa um almannahag það er að hugsa um FLOKKINN sinn, það er að hugsa um sérhagsmunarhópa sama hvaða nafni sem þeir nefnast og rassgatið á sjálfum sér. Það er bara þannig . . . . . . . . . . .

Ísland er ekki lýðræði. Ísland er flokksveldi. Íslenska þjóðin býr ekki við þingræði. Hún býr við flokksræði - þegar best lætur. Njörður P. Njarðvík prófessor. Sjá viðtal hér > > >

Spilling er skilgreind sem efnahagsbrot

 „Ég er búinn að fylgjast með þessu í 50 ár. Þetta er ógeðslegt þjóðfélag, þetta er allt ógeðslegt. Það eru engin prinsipp, það eru engar hugsjónir, það er ekki neitt. Það er bara tækifærismennska, valdabarátta." Styrmir Gunnarsson, fyrrverandi Morgunblaðsritstjóri, í skýrslunni rannsóknarnefndar alþingis. sjá pistil Eiríks Guðmundssonar hér > >

„Sáttmál ESB um baráttu gegn spillingu í þessum sáttmála er mjög víðtæk greining á efnahagsbrotum þar sem spilling er skilgreind sem efnahagsbrot." Það að menn stökkvi ekki fram og gangist við ábyrgð sinni: „Þetta er dæmigerð hegðun efnahagsglæpamanna. Þeir eru vanir að halda uppi vörnum fram í rauðan dauðann." Eva  Joly í Kastljósinu 16. apríl 2010. Sjá hér > >

Margir þingmenn Bófaflokksins hafa brotið af sér gagnvart Þjóðinni og eiga að hypja sig snarast.

Vilja að varaformaðurinn víki

Frábært stelpnaband

Í lok febrúar var viku vetrarfrí í skólunum hér í Växjö. Anastasiya notaði tækifærið og fór á fjögurra daga hljómsveitanámskeið. Á fimmtudaginn spiluðu svo allar hljómsveitirnar á tónleikum. Bandið hennar Anastasiyu The Black Smurfs (Svörtu strumparnir) tók Joan Jett lagið „I love rock´n roll“ og voru auðvitað langbestar. Anastasiya spilar á gítar.

 The Black Smurfs er bara skipuð stelpum og er ætlunin að halda samstarfinu áfram. Ekki er ólíklegt að þær fái æfingapláss með leiðsögn einu sinni í viku.  Við tókum tónleikana að sjálfssögðu upp á vídeo og er hægt að skoða það hér að neðan. Anastasiya var snögg að stofna aðdáendaklúbb á Facebook þar er að finna myndir frá hljómleikunum og fleira. Endilega heimsækið aðdáendaklúbbinn og gerast meðlimir með því að smella á Facebook merkið hér að neðan.

 

 

Gæfan að taka leiðsögn

SÁÁ hefur í mörg ár þurft að  reka sína starfsemi án nægjanlegs fjárstuðnings frá hinu opinbera. Í umræðunni er árangur samtakanna oft dreginn í efa. Ég hef notið góðs af starfsemi þeirra og tel mig hafa náð bata fyrir tilstuðlan þeirra. Í október s.l. mætti ég á einn af baráttufundum SÁÁ, gegn yfirvofandi niðurskurði á fjárlögum. Á þeim fundi spurði ég sjálfan mig gæti lagt af mörkum til  hjálpar samtökunum í baráttunni við niðurskurðarhnífinn.

Það var þá sem mér batt það í hug að skrifa blaðagrein um síðustu orrustu mína við Bakkus. Spurningin sem vafðist fyrir mér var bara hvort það sé rétt að opna sig svona á opinberum vettvangi. Það vafðist nokkuð fyrir mér. Flest allir sem ég þekki vita hvaðan ég er að koma og eftir samráð við fólkið mitt þá ákvað ég að láta slag standa. Greinin mín „Gæfan að taka leiðsögn“ birtist í Morgunblaðinu fimmtudaginn 17. desember s.l.

Í blaðagreininni reyni ég að lýsa minni líðan á endasprettinum í viðureigninni við Bakkus, hvað gerðist og hvernig lífi ég lifi í dag. Auðvitað er ekki hægt að að gera svo stórum og áhrifaríkum kafla í lífi mínu nægjanleg skil í stuttri blaðagrein. Ég vonast því að mér auðnist sá kraftur sem þarf til þess að halda áfram á sömu braut og þessi grein megi verða upphafið á stærri verkum.
Að lokum má til gamans geta þess að ritstjórnargrein Morgunblaðsins daginn eftir fjallaði um niðurskurð ríkisins til SÁÁ og var vitnað beint í greinina mína og þar segir m.a:

 „Björgunarbáturinn SÁÁ hafði á seinasta augnabliki bjargað honum úr brimskaflinum. Það mátti ekki tæpara standa. Það hefði SÁÁ ekki getað gert án þess að fá til þess stuðning, jafnt frá einkaaðilum og hinu opinbera. Hinn sameiginlegi sjóður landsmanna kostaði því björgunarafrekið að hluta.“

Vonandi hefur barátta stuðningsmanna SÁÁ skilað árangri og hætt verði við boðaðan niðurskurð til samtakana.

Greinina mína er hægt að lesa á http://augnablik.com undir linknum „Greinar og önnur skrif“ vinstramegin á síðunni.

Spillingin grasserar

Spillingin grasserar sem aldrei áður. Íslenskir stjórnmála- og embættismenn eru algerlega óhæfir vegna ætta- vina- hagsmuna- og félagatengsla.

Út í hafsauga með pakkið og fáum hingað erlent fagfólk til að stjórna landinu næstu 10 árin og reisa það við.

Fer fram á lausn frá störfum

MP banki

Ég sem flutti mig yfir til MP banka því ég hélt að það væri almennilegur banki sem væri laus við svona dekur við valda einstaklinga. Spillingin heldur áfram. Það er ekki gott þegar stjórnmálamenn  þyggja brennivín og dekurkvöld af fyrirtækjum.

Ragnheiður: Ekki þinginu sæmandi