Eitt ljós fyrir hann pabba

Í dag fórum við Katya og Anastasiya í Fossvogskirkju og áttum litla samverustund með honum pabba, Sæmund Jóhannsson múrarameistara, sem lést í janúar síðastliðnum. Í dag hefði hann orðið 84 ára. Þessi litla stund sem við áttum með honum þarna í kapellunni í dag var mjög góð. Einhvern vegin skynjaði ég nærveru hans og að honum líður vel þar sem hann er.

Pabba er sárt saknað og ég hugsa til hans á hverjum einasta degi. Þessa mynd tók ég af pabba í Kolaportinu vorið 2006. Við röltum stundum um Kolaportið á sunnudögum og drukkum svo kaffi á Cafe Paris. Honum líkaði það karlinum.

 

Athugasemdir

[Sigurður Þórðarson, 8.11.2008 kl. 11:37]

Blessuð sé minnig föður þíns.

Ég kynntist honum fyrst á Flateyri, góður kall og við vorum alltaf kunningjar eftir það.  Löngu seinna vann hann dálítið fyrir mig. Hann bar með sér að vera samviskusamur sómamaður.